Hiru puntu gehiago ditu asteburutik, Mundarro-Petritegi taldeak;
EAS 08 taldearen kontra 3-4 nagusitu ziren, etxetik kanpo. Talde donostiarra aurreratu zen markagailuan, eta astigartarrek berehala lortu zuten berdinketa, Beñat Mendibururen golari esker. Atsedenalditik bueltan, Beñat Mendiburuk beste bi gol egin zituen, bigarren zatiko aurreneko bost minutuetan. Etxeko taldearen bigarren gola, penalti baten ostean etorri zen. Mundarrok berehala erreakzionatu zuen, eta laugarrena sartu zuen. Partidua bukatzeko bost minuturen faltan, markagailuan gerturatzea lortu zuen talde donostiarrak. Urteko aurreneko partiduak garaipenarekin borobildu dituzte moreek; asteburuan, Lengokoak taldearen bisita jasoko dute Zarkumendegin.