Erdigunetik sagardotegietara joateko autobus zerbitzua debalde, aurten

ASTIGARRAGAKO zenbait sa­gar­dotegi nahiko urruti ge­ratzen dira erdigunetik, eta bide hori errazte aldera, au­tobus zerbitzua jarri dute.
2016ko txotx den­bo­ral­di­rako Astigarragako Uda­lak eta Be­hemendi Lan­da Gara­pen el­karteak elkar­la­nean an­­­­to­latu dute, eta azaldu du­ten moduan, asmoa da Asti­garragako er­di­gunetik saga­r­dotegietarako bidea  egiteko garraio zerbitzua jartzea mar­txan, debalde: «zerbitzu hau aurreikusi da sa­gar­do­te­gie­ta­ra bertaratzeko erraz­ta­sunak emate al­dera. Geroz eta gu­txiago dira sa­gar­do­tegietara kotxean joan na­hi izaten duten bezeroak, eta iniziatiba honekin lortzen da, kotxerik hartu gabe, sa­gardotegietara joateko auke­ra izatea».

Autobus zerbitzua apirilaren 23ra arte
egongo da: astelehe­netik ostegunera,
20:00etatik 00:00etara; eta ostiral eta larunbatetan, 20:30­etatik 00:30etara.

«Gutxi batzuekin hasiko da zerbitzua»
Astigarragako Udalak eta Behemendik azaldu dutenez, aurreneko urtea izaki, zaila da aurreikuspenak egitea: «zaila da zerbitzuak izango duen eragina ikuspegi guz­tietatik aurreikustea. Aurre­ne­ko urte honetan zerbitzua gu­txieneko batzuetatik ha­siko da, eta emaitzen ara­bera, hurrengo urteetarako in­dartzen joatea da as­moa. Baina horretarako, era­gile guztiekin partaidetza eta inplikazioa erabakiga­rriak izango dira: sagar­do­gileak, Udala, Behemen­di...».

Astelehenetik larunbatera zerbitzua, gauez
Azaldu dutenez, zerbitzua as­telehenetik larunbatera izan­go da, gauez: «3 hilabetez egon­­go da, urtarrilaren 25etik api­rilaren 23ra; eta debalde izango da. Astelehenetik oste­gunera 20:00etatik 00:00e­ta­ra izango da; eta ostiral eta la­runbatetan, 20:30etatik 00:30e­tara».
Zerbitzua bi furgonetekin egingo dute, bi zonaldetan ba­natuta: «lanzadera modu­an, furgonetak erdigunetik sagardotegietara joan-etorria egingo dute, aurreneko eta azken bi orduetan, s­a­gar­do­gile eta bezeroen deien ara­bera, furgonetan sagar­do­tegi ezberdinetara joango dira».
Ibilbideak zehazteko ga­raian, sagardotegien koka­pena kontuan izango dela azaldu dute: «zonaldearen arabera, furgoneta bakoitzak identifikazio txartelak izango ditu aurrealdean, pasako den sagardotegien izenekin»

ZONALDEAK:
Erdigunea-Sagardotegi Zeharra-Santiagomendi bidea:
Larrarte, Etxeberria, Oyarbide, Artola, Oialume-Zar, Zelaia, Gurutzeta eta Rezola.
Erdigunea-Donostiako muga-Perurena bidea-Hilerria:
Bereziartua, Irigoien, Mina, Zapiain, Astarbe, Alorrenea, Petritegi, Lizeaga eta Gartziategi.

Geltokia:
Lineako autobusen geltokian, Donostia ibilbidean, Renault parean.