Bihar egingo dute, 2015 urteko Urrezko Erremonte Gala. Galarretan izango da, jaialdia bukatu ondoren, eta bertan, urteko erremontista onenak saritu, eta Urrezko Erremontea 2015 emango dute.
Helburua da, urteko erremontista nabarmenenak saritzea. Bukaeran, erremontistekin argazkiak ateratzeko aukera izango da, eta luntxa ere eskainiko dute.
Torneo azkarra, aurretik
Galaren aurretik, torneo azkar bat jokatuko dute lau bikotek: bigarren partiduan, Zeberio II eta Ion, Uterga eta Barrenetxea IVren kontra; eta hirugarrenean, Ezkurra eta Olazar, Urriza eta Agirrezabalaren kontra. 25 tantora izango dira bi partiduak. Aurretik, Matxin III eta Labaka ariko dira, Ansa II eta Zubiriren kontra, 16:00etan hasita.