Partidu garrantzitsua jokatuko du Hernanik, bihar eguerdian, mailari eusteko helburu horri begira. Bartzelonaren zelaian ariko da, Teixoneran, 12:30etatik aurrera. Sailkapenean, berdinduta daude bi taldeak, 20 punturekin: 9garren dago Hernani, eta 10garren Bartzelona. Beraz, aukera ona daukate trikoloreek, aurkari zuzen bat urruntzeko. Joanekoan, Landaren, 26-20 nagusitu ziren hernaniarrak.