Sailkapeneko seigarren postuan dijoa Astigarragako Mundarro, eta 5 puntura du Urnieta. Lehiarako gogoa nabari da berdegunean, eta azken partiduetan lortutako puntuek laguntzen dute, sailkapenari begiratuz gero. Bide horretan segi nahi du Mundarrok, eta aukera ederra du bihar, arratsaldeko 15:30etan hasita. Donostiako Berio zelaian neurtuko ditu indarrak, EAS 08ren kontra. Donostiarrak ez dira nahi bezain denboraldi ona egiten ari, eta Mundarrok duen maila ematen badu, izango du garaipenerako aukera.