Abenduaren 23an egin zuen bere osoko bilkura, Arano, Goizueta, Leitza eta Aresoko Gizarte Zerbitzuen Mankomunitateak, eta urte berrirako erabakiak hartu zituzten bertan.
Horrela, behin behinekoz onartu zuten, batetik, 2016rako plantilla organikoa zein izanen den. Eta bestetik, zein aurrekontu izanen duen Mankomunitateak, 2016 urtean.
Erreklamazioak aurkezteko, hamabost eguneko epea
Ostegunean argitaratu zen aurrekontuaren iragarkia, Nafarroako Aldizkari Ofizialean; plantillarena, berriz, urtarrilaren 13an. Argitaratu eta hurrengo egunetik hasita, hamabost egunez egonen dira ikusgai biak, Mankomunitatearen idazkaritzan, eta hori izanen da erreklamazioak aurkezteko epea.
Bakoitzerako epe hori igarota, erreklamaziorik aurkezten ez bada, behin betiko onartuko dira biak, plantilla zein aurrekontua.