Beste behin, ‘Tutu’ eta Julian izango dira Ereñotzuko ordezkariak, Gipuzkoakoan

Bikote ederra, esperientziaduna osatzen dutela erakutsi du­te beste behin Tutu eta Ju­lianek. Larunbatean jo­ka­tu zen Ereñotzuko Irrin­tzi tabernan Euskal Herriko Mus Txa­pelketako kanporaketa, eta zazpi bikote aritu ziren, jokorik onena lortu nahian.
Kanpora­ketako finalera bi pasa ziren:  Tutu eta Julian, eta Mikel eta Joxejuan. Lehia estua izan zen bi bikoteen artean, eta azkenean, aurrenekoak izan ziren ga­raile, 3-2. Gainera, datu esanguratsua da, joan den urtean ere Tutu eta Julian izan zirela Irrin­tziko kanporaketako bikote onena. Ira­baz­leek Gipuz­koa­ko kanporaketarako pasea lortu zuten; eta baita ere, otordu eder bat Fago­llagan; parte hartzaile guztiek berriz, botila ardo bat.
Gainerako herrietan ere, ari dira kanporaketak jokatzen; eta bikote onenek, Gipuzkoako kanporaketan ikusiko dute elkar; otsailaren 20an jokatuko da kan­poraketa; final haundia berriz, martxoaren 5ean izango da.