Pasaian jokatuko da gaur Gipuzkoako Batel Ligako aurreneko jardunaldia. Arratsaldeko 16:00etan jarri dute hitzordua, eta bertan izango dira Hernaniko zazpi batel, mutil seniorrek bakarra urperatuko baitute gaurkoan. Pasai Donibane Koxtape klubak antolatu ditu estropadak, eta 100 batel inguruk hartuko dute parte. Ohi bezala, haur mailako estropadarekin hasiko da eguna, eta gizon zein emakumeetan, mailaka banatuta jokatuko dira gainerako estropadak ere.
15 jardunaldi, denboraldiak
Guztira 15 jardunaldi izango ditu aurtengo batel ligak, eta talde bakoitzaren emaitza txarrenak ez du ligarako punturik emango. Apirilaren 10era artea luzatuko da batel denboraldia, eta Hernaniko Arraun elkarteak zortzi batel urperatuko ditu, ahal duen guztietan: nesketan, bi haur kadete mailan eta bi senior mailan; eta mutiletan, haur mailako bat, kadete mailan beste bat, eta bi jubenil mailan.