GIPUZKOAKO Trinkete Txapelketako finalak jokatuko dira gaur Iruran, 16:45etan hasita, eta Hernaniko bi pelotari izango dira protagonista, bi final horietan.
Kadetetan, Garikoitz Arizmendik Urnietako Aldunberriren kontra jokatuko du. Biak partidurik galdu gabe iritsi dira finalera, eta oso partidu berdindua espero da.
Jubeniletan berriz, Xabat Pagolak Illunpeko Odriozolaren kontra neurtuko ditu indarrak. Bi hauek ere, partidurik galdu gabe iritsi dira finalera. Odriozola da finala irabazteko faboritoa, baina Pagolak ez dio erraz jarriko.