Txotx irekiera girotzen joateko ekimen berria antolatu dute aurten: Pintxotx lehiaketa. Hernaniko eta Astigarragako tabernek hartuko dute parte, eta gaurtik larunbatera izango da pintxoak probatu eta bozkatzeko aukera. Lehiaketan parte hartzen duten tabernek sagardotegiko menua gaiari lotutako pintxo berezi bat egin beharko dute, eta bezeroek euro batean izango dute eskuragarri. Herritarrek bozkatuko dute pintxorik onena, tabernetan dauden txarteletan 1etik 5erako puntuazioa emanda. Larunbateko txotx irekieran jakingo da irabazlearen izena. Bestalde, bozketan parte hartu duten herritarren artean bi otordu zozketatuko dira, sargadotegian.
Hernanin parte hartuko duten hamalau tabernak dira: Atxur, Aralar, Deportivo, Garin, Goiz Argi, Irrintzi, Joxe Mari, Kixkal, Oindi, Rufino, Tripontzi, Txilibita, Txoko eta Zumitza.