Hernaniko Arraun Elkarteak bazkide berriak egiteko kanpaina hasi zuen azaroan elkartearen webgunearen bitartez, eta horretarako ere postua jarri zuten Plaza Berrin.
Aralar eta Joxe Marin, formularioak
Orain, Joxe Mari eta Aralar tabernetara zabaldu dute aukera hori, Arraun Elkarteak berak diotenez, «herritar gehiagorengana iristeko asmoz». Bi taberna horietan utzi ditu Arraun Elkarteak bazkide egiteko formularioak. Eskatzen diren datuak bete eta tabernan bertan utzi beharko dira; ondoren, Elkartea jarriko da harremanetan bere datuak utzi dituenarekin.
Bazkide egiteak helduentzat 20 euroko kostua duela jakinarazi dute, eta 10 eurokoa 18 urtetik beherakoentzat. Gainera, bazkide egiten direnek dagokien txartela, elkarteko pina eta pegatina jasoko dute. Horrez gain, deskontua izango dute elkarteko arropa erosterakoan.