Prentsa ohar bidez, Podemos Hernani Ahal Duguk azaldu nahi izan du zein iritzi eta postura dituen, Sarek gaur Bilbon deitu duen manifestazioaren harira. Nabarmendu du «Podemos Ahal Duguk elkarbizitzarako agente izaten jarraitu nahi» duela, eta «norberak erabaki dezala parte hartu nahi duen ala ez».
«Aurrerapen batzuek ez dituzte besteak baldintzatzen»
Alderdiak azaldu du «giza eskubideen eta pertsonen duintasunaren defentsak» izan behar dutela ardatz. «Pausoak eman dira biktima guztiak eta sortutako mina onartuta, baina asko falta dira. Aurrerapen batzuek ez lituzkete besteak baldintzatu behar».
Gaurko manifestazioarekin lotuta, azaldu du: «presoen tratu humanoa defendatzen dugu; esaterako, beren jaioterrietara gerturatzea, edota haien gizarteratzea erraztuko duten politikak bultzatzea».