Nahikoa deskantsatuta, eta indarberrituta itzuliko dira kantxara Astigarragako saskibaloi taldeak. Gabonetako etenaren ondoren, aurreneko bi taldeek kanpoan jokatuko dute gaurkoan.
Neskak, Navarro Villosladaren aurka
Gabonen aurreko azken bi partiduak galdu egin zituen Euskal Ligako taldeak. Denboraldiko aurreneko buelta bukatzeko bi partiduren faltan, sailkapen postuen erdian daude neskak, eta pixkanaka gora egiten saiatuko dira.
Lanik ez zaie faltako, ordea. Gaur bertan, 19:00etan, Navarro Villoslada taldearen kontra ari beharko dute Iruñean; bi postu gorago dagoen taldea.
Mutilak, Bostekoren kontra
Aurreneko probintzialeko mutilak, berriz, gaurkoa dute aurreneko denboraldiko azken partidua; Bostekoren kontra ariko dira, Yoldin, arratsaldeko 20:00etan hasita.
Hauek ere gogor egin beharko dute lan, bost postu gorago dagoen aurkaria izango baitute gaurkoa.