Abenduaren 26ko asteburuan, eta urtarrileko aurrenekoan, Azpeitia Cup Txapelketa jokatu da, eta bertan hartu du parte Mundarrok, beste 38 talderekin batera.
Futbol Eskolako neska-mutil gazteek, 2005ean jaiotakoek osatu dute taldea, eta ekainean jokatuko den finalerako sailkatu ez badira ere, sailkapen fasean emaitza oso onak lortuta bueltatu dira etxera.
4 irabazi, 2 galdu eta 1 berdindu
Txapelketa bi asteburutan jokatu da Azpeitian, 39 talderen artean.
Aurreneko sailkapen fasean, hiru partidu irabazi zituen Mundarrok, eta bakarra galdu: Zuamaiaren aurka 4-0 irabazi zuen; Anaitasunaren kontra, 2-0; eta Danena Amarozen kontra, 2-1. Lagunak taldea izan zen Mundarrorik irabazi zion bakarra, 1 eta 0.
Emaitza horiekin, pasa den asteburuan bigarren sailkapen fasea jokatu zuten astigartarrek, baina zorte gutxiago izan zuten. Bansanderren aurrean 0-6 galdu zuten; Lemoaren kontra, bina berdindu; eta Touringi 0-1 irabazi.
Finala, ekainean
Finalerako sailkatu dira Aurrera Ondarroa, Bansander, Comillas eta Padura, eta ekainean jokatuko dute.