Gipuzkoako Trinkete Txapelketa jokatzeko sailkatu dira Hernaniko lau pelotari. Hiru partidak gaur jokatuko dira, Iruran: kadetetan, Arizmendi Oiarperen kontra ariko da: jubeniletan, Xabat Pagolak jokatuko du Endika Arizmendiren kontra; eta maila berean, Ander Lazkanok, Ilunperen aurka neurtuko ditu indarrak. Partiduak 15:15etan hasiko dira.
Bestalde, Hernaniko pelotariek hiru txapelketa hasiko dituzte asteburuan: errendimenduko pelotariek Gipuzkoako Txapelketa hasiko dute, binakako modalitatean; kadete, jubenil eta seniorrak Udaberri torneoan hasiko dira; eta Hernaniko pelotari onenek Euskal Herriko txapelketa hasiko dute.