Sare eta Bagoaz mugimenduek euskal presoen aldeko urteroko mobilizaziorako deia egin dute larunbat honetarako, urtarrilaren 9a, Mugi daitezen harriak, lelopean. 17:00etan hasiko dira antolatutako bi manifestazioak. Bata, Baionan izango da, eta bestea, Bilboko kaleetan barrena.
Autobusa, Hernanitik Bilbora joateko
Bilboko manifestaziora joateko autobusak antolatu dituzte, Hernanitik. 15:00etan aterako dira Atsegindegitik, eta txartelak jada salgai daude Garin, Txili eta Zintzarri tabernetan, 10 euroan. Erosteko aukera ostiral arte izango da hiru tabernetan.