Hernaniko hamahiru tabernek hartuko dute parte Pintxotx lehiaketan

Ate joka dugu txotx denbo­raldia, eta motorrak bero­tzen has­teko ekimen berria jarriko du­te martxan Hernani eta Asti­ga­rragako tabernek, aste­az­ke­nean. Hain zuzen, Asti­garragako txotx irekiera eki­taldia egiten den egunean hasi­ko da, eta Hernaniko ire­kieran banatuko dira sa­riak. 
Hernaniko Berriak mer­ka­tari eta ostalarien elkarte­ak, eta Hernani eta Astiga­rragako Udalek elkarlanean an­to­­la­tutako lehiaketa da Pin­txotx. Eta Berriakeko ordezkari Mer­txe Jimenezen esanetan, «Her­nani eta Astigarraga he­rriak eta bi txotx irekierak lotzeko aurrerapauso bat da».

Pintxo bakoitzak, euro bat
Lehiaketan parte hartzen du­ten tabernek sagardotegiko me­nua gaiari lotutako pintxo berezi bat egin beharko dute, eta bezeroek euro baten truke izango dute pintxo hori das­tatzeko aukera. Asteazkenetik ostiralera izango da hori, arratsaldeko 19:00etatik 20:30­etara. Asteazkenean pintxoak debalde izango dira Astiga­rragako tabernetan.

Hogeita sei taberna, guztira
Lehiaketan Hernani edo Asti­garragako edozein taber­nak aurkeztu zezakeen bere burua, eta aurreko astetan aukera izan dute horretarako. Izene­mateak itxita daude jada, eta guztira hogeita sei tabernek hartu­ko du­te parte, Hernaniko hama­hi­ruk, eta Astigarragako beste hamahiruk.
Hernanin, ondorengo ta­ber­ne­­tan izango da Pintxotx lehia­­ketako pintxoa dasta­tzeko au­kera: Atxur, Aralar, De­portivo, Garin, Goiz Argi, Irritzi, Joxe Mari, Kixkal, Oindi, Rufino, Tripontzi, Txilibita eta Txoko. Astigarra­ga­koak, aldiz, hauek dira: As­tia­rra, Bukoi, Ekai­tz, Estanco, Ibai-Lur, Ika­tza, Kaizoku, Kupela, Pasto­riza, Robin, Sa­gar­txo, Txiki eta Zipotza.

Herritarrak, epaimahaikide
Behin pintxoa dastatuta, boz­ka­tzeko aukera izango du­te herritarrek. Horretarako txar­telak jarriko dituzte taber­na parte-hartzaileetan, baita boz­kak sartzeko kaxa ere. Txarte­letan 1etik 5erako pun­tu­­azioa eman beharko zaio pin­txoari, eta on­doren, ka­xan bota beharko da. Irabazlea jakiteko, batezbesteko puntu­azioa kal­ku­latuko da, txartela kopu­ruak eraginik ez izateko eta orekatzeko.

Sariak herritarrentzat eta tabernarentzat
Hernaniko txotx irekieran ja­kinaraziko da ze pintxok jaso dituen boto gehien, eta taber­na saridunari txapela emango zaio. 
Bestalde, bozkaketan parte hartu duten herritarren ar­tean zozketa egingo da. Horien artean, Astigarragako Alo­rre­nean eta Hernaniko Aka­rregin bi pertsonentzako pare bat otordu banatuko dira.