Festa eta kirola uztartu zituen, beste urte batez, Wukroren aldeko San Silbestre lasterketak, 2015 urtea modurik osasuntsuenean bukatzeko: ariketa fisikoa eta umorea, bietatik izan zuen osteguneko probak.
Ia 300 korrikalari aritu ziren herriko kaleetan barrena, eta denetan azkarrena, Yohanes Merino hernaniarra izan zen, 4 kilometroko ibilbidea 11 minutu eta 58 segundutan osatuta. Azken esprintean gainditu zuen Ibai Alba, eta Anartz Artolak osatu zuen podiuma, herriko korrikalarien plenoa eginez.
Emakumezkoen artean, berriz, Lierni Zinkunegi izan zen aurrenekoa helmugan, 14:37 denborarekin, eta bere atzetik sartu ziren, segundu gutxitara eta ia elkarrekin, Eva Esnaola eta Hoki Guerrero; hirurak ere, Hernaniko korrikalariak.
Mozorroak eta umorea, urtea agurtzeko
Eta lehia bezala, ez ziren faltatu mozorroak eta umorea ere, urtea agurtzeko. Alba, Esnaola eta Guerrero, esaterako, mozorrotuta atera ziren lasterketan, makina bat korrikalari bezala. Baina guztietan onena, antolatzaileen ustez, dadoz jantzita atera zen emakume taldearena izan zen; beraientzat saria!
SAILKAPENAK
GIZONEZKOAK
1 Yohanes Merino Castuera 11:58
2 Ibai Alba Vilchez, Ibai 12:00
3 Anartz Artola Arin 12:07
4 Jon Murua Etxeberria 12:44
5 Iban Verdugo Herrero 12:54
EMAKUMEZKOAK
1 Lierni Zinkunegi Saizar 14:37
2 Eva Esnaola Agesta 14:52
3 Hoki Guerrero Moriana 14:53
4 Mara Olazabal Larrañaga 15:12
5 Ainara Errazkin Sagarzazu 16:00