Aritz Aranburuk irekiko du 2016ko txotx denboraldia, Zelaia sagardotegian

sagardo berria probatzeko aukera izango da Astigarragan, urtarrilaren 13tik aurrera. Eguerdiko 12:00etan, Jesus Mari Santos alkateak Sagar­do­etxean emango ditu uzta be­rriaren inguruko azalpenak; bertan azalduko ditu sagarraren eta sagardo berriaren in­guruko ezaugarriak, eta sa­gar­do­aren munduko gertaera garrantzi­tsuenen berri emango du. 
Edizio berri hau 23garrena izango da, eta ohi bezala, ekitaldi nagusia txotx irekierakoa izango da. Aurten aurreneko al­diz, Hernaniko sagardotegi ba­tean egingo da irekiera, zehazki, Zelaia sagardotegian. Aurre­ne­ko sagardo tragoa egingo duen gonbidatu bereziaren izena ere, jakinarazi dute: Aritz Aranburu izango da. Gure sagardo berria oihu egingo du Aranburu surflariak, aurreneko kupela irekitzen duenean, eta honekin batera, hasiera emango dio txotx denboraldiari. Aurretik, sagarrondo bat landatuko du Sa­gardoetxeko sagastian.