Gabonetako oporretan murgilduta dira etxeko txikienak. Olentzerok eta Mari Domingik ekarritako jostailuekin disfrutatu, familia eta lehengusuekin egon, lagunekin geratu... asko dira festa egun hauetan egin daitezkeen planak. Eta proposamen horietako bat da, urtero Kiroldegian antolatzen duten haur parkea; sarrera librea da.
Ume eta gaztetxoei zuzenduta dago haur parkea, eta astelehenean izango da bertan eskaintzen duten guztiaz disfrutatzeko aukera: puzgarriak, taloak egiten ikasteko tailerrak, snowboard eta sky simulakroak, wii makinak, bumper bolak, 5D zinemaz gozatzeko kabinak...
Goiz eta arratsalde, zabalik
Haur parkea kiroldegiko pistan jarriko dute eta goiz eta arratsalde egongo da zabalik: 11:30-13:30 eta 17:00-19:30.