Jatorri askotako herritarrak, aniztasunaren aldeko festan

Berdintasun Kontseilua, Ka­le­ratzeak Stop, Hernaniko Koo­­pe­razio Taldea, Caritas Inter­parroquial, Amher Sos Arraza­keria eta Sutu Her­na­nik antolatuta, manifestazio-fes­ta egin zen atzo arratsaldean Plaza Berrin. He­rritar ugari gerturatu ziren «aniztasunaren aberastasunaren alde», baina, batez ere, «erakusteko herrian dagoen jatorri eta kultur aniztasuna herria­rentzat aberastasun bat dela». Eus­keraz eta gaztelaniaz, talde hauek egindako adierazpena irakurri zuten atzo (ikusi kronika.eus) eta ondoren, festa giroa izan zen nagusi. Bert­aratu ziren herritarrek jatorri ezberdinetako jakiak eta te desberdinak dastatzeko aukera izan zuten.