DOBERA Elkarteak Chertat eta Lehoia liburua argitaratu du aurten, Zozomikoteak liburuarekin batera, Ipuin Fabrika bilduman.
Lehenengo liburuaren ilustrazioen egilea da, hain zuzen, Abdi Ami Omar sahararra, eta ilustrazio horien originalak enkantean aterako dira gaur, 12:30etan, Plaza Berrin egingo den ekitaldian. Euria egiten badu, Atsegindegin.
Enkantean bildutakoa, uda Euskal Herrian pasa zuten 450 haur sahararrei oparitu zitzaizkien Chertat eta Lehoia liburuak finantzatzeko izango da.
Enkantea gaur eguerdian egingo da, 12:30etan hasita.
Enkantea, festa giroan
Dobera eta Koxkak antolatutako ekitaldia festa bat izatea nahi da. Horregatik, giroa jartzeko, elkarte antolatzaileek gonbidatu dituzte Unai Agirre bertsolaria, zeinu interpretea, trikitilariak, musikari sahararrak...
Eskaintza berezia, Doberak
Doberak eskaintza berezia egingo du gaur, aurten argitaratu dituen produktuetan: Zozomikoteak eta Chertat eta Lehoia, eta Burbunak eta Etsayak dokumentala, dena 20 euroan.