Ipuin Faktoria proiektuaren barruan, bi ipuin argitaratu ditu Dobera Euskara Elkarteak urte honetan: Zozomikoteak eta Chertat eta lehoia.
Hain zuzen, azken ipuin horretako ilustrazioak egin ditu Abdi Ami Omar sahararrak, eta ilustrazio originalak enkantean aterako dira ostegunean, 12:30etan hasita Plaza Berrin egingo den ekitaldian, Dobera eta Koxka elkarteek antolatuta.
Basamortuan, «Coca Cola baino ezagunagoa!»
Chertat, basamortuko pertsonaje mitikoa da, eta aurreneko aldia da norbaitek marraztu duela. Texaseko unibertsitatean honi buruzko kongresu bat izan zen, eta «Coca Cola baino ezagunagoa» zela azpimarratu zen; «harribitxi bat».
Enkantea eta festa
Enkantea festa giroan egingo da ostegunean: Unai Agirre bertsolaria, zeinu interpretea, trikitilariak, musikari sahararrak... izango dira.
Bildutako dirua, uda Euskal Herrian pasa zuten 450 haur sahararrei oparitu zitzaizkien Chertat eta lehoia ipuinak finantzatzeko izango da.