Ludoteka, tailerrak eta hainbat entretenimendu

Hamaika ekintzaren artean aukeratu dezakete haur eta gazteek egun hauetan, entre­tenitzeko.
Batetik, gaurtik asteaz­ke­ne­ra bitartean, ludoteka irekita egon­go da kiroldegian: ohe elas­tikoak, slackline, esku la­nak, kirolak, jolasak... Denetik dago, doan, 10:00etatik 13:00etara.
Bestalde, Gibelalde auzo el­kar­tearen lokalean kontu kon­talariak saioa emango du gaur, 18:00etan, Larramendi 11n. Eta Portu auzoan, umeentzako pe­likula jarriko da, 17:30e­tan. Asteazkenean, berriz, karaoke festa izango da 18:00etan, eta ostegunean, Santa Barbarara buelta, 10:30etan.
Era berean, Biterin, hau­rrentzako eskulan tailerra izango da bihar, 17:00etatik 19:30etara, debalde baita ere.

Liburutegian, tailerra
Udal Liburutegian ere, tailer berezi bat emango dute gaur 10:30etan, Patxi Zubizarreta idazleak eta Fernando Rey itzultzaileak, baina aurretik izena eman behar zen. 10-12 urtekoak itzultzaile lanetan jarriko dituzte, Tximeleta-belarriak ipuinaren bueltan.

Gazte Txokoan ere bai
Gazte Txokoan bihar, youtu­be­ko bideo emanaldia eta pa­lo­mi­tak izango dituzte, eta etzi, Ga­bo­netako parkea jarriko dute ki­roldegian, puzgarri bere­zie­kin.

Asteazkenean, Aladdin
Haur antzerkia ikusteko aukera ere izango da aste honetan; as­te­azkenean, Aladdin antzez­tu­ko dute Biterin, 18:00etan. Sa­rre­rak salgai duade 2,70 eurotan.