Asteazken iluntzeko 20:30ak inguruan sua piztu zen Mandoegi mendiaren hegal batean, Goizueta eta Leitza artean.
Hego haize zakarrak eta hezetasun faltak lanak zaildu dizkie Goizuetako suhiltzaile boluntarioei eta ingurukoei, baina atzo arratsalderako itzaltzea lortu zuten.
Suhiltzailea, etxean
Goizuetako suhiltzaile boluntario bat ospitalera eraman behar izan zuten; kea arnasteagatik intoxikazio arina izan zuen, baina dagoeneko etxean dago, arriskutik kanpo.
Kalte haundiak
Unai Loiarte alkateak «kalte haundiak» izan direla azaldu du, eta oraindik ez dakitela sua zerk piztu zuen. Nafarroako Gobernuak jakinarazitakoaren arabera 50 bat hektarea erre dira, 3 ardi hilik topatu dituzte, eta beste hainbat, erredurekin.
Era berean, Loiartek suhiltzaile boluntarioen lana eskertu eta azpimarratu nahi izan du.