Santo Tomas eguna izan zen astelehenean, abenduaren 21ean, eta ederki ospatu zuten Ereñotzun, Txirrita eskolan txistorrada eginda. Hernanin, berriz, aurrez ospatu zuten, asteburua aprobetxatuta. Larunbatean antolatu zuen Santo Tomas eguneko festa, Plaza Berrin, San Joan Konpartsak; eta igandean, auzoz auzo egin zituzten txistor jateak: Lizeagan, Portun, Sorgintxulon eta Zikuñagan. Goiz Eguzki egoitzan, astelehenean bertan ospatu zuten.