Txotx irekierako pintxo lehiaketarako izenematea, zabalik

Urtarrilaren 13, 14 eta 15ean Pintxotx pintxo lehia­keta egingo da Hernaniko eta Astigarragako tabernen artean, bi herrietako txotx irekieren bueltan.
Tabernariek sagar­dotegi­ko menua oinarri duten pin­txoak egin beharko dituzte, eta herritarrek pintxoak das­tatu eta puntuak ema­te­ko hiru egun izango dituzte; ur­tarrilaren 16an, Herna­niko txotx irekiera egunean, jakinaraziko da irabazlea­ren izena.

Puntuazioa, bataz bestekoa
Lehiaketan parte hartzen duten tabernek, pintxoak be­zeroen eskura jarriko di­tuzte urtarrilaren 13, 14 eta 15ean, 19:00etatik 20:30e­ta­ra. Herritarrek aukera izan­go dute pintxoak euro ba­tean erosteko, eta puntuak emateko. 1etik 5era emango dira puntuak, tabernan ber­tan egongo diren txarte­letan.
Pintxo gutxi edo asko sal­tze­ak eraginik izan ez de­zan, bataz besteko pun­tua­zi­oa kalkulatuko da irabazlea izendatzeko.
Parte hartzen duten he­rritarren artean, berriz, bi sari zozketatuko dira: otor­dua 2 lagunentzako Astiga­rra­gako eta Hernaniko sa­gardotegi banatan.

Izenematea, asteazkenera arte
Hernani eta Astigarragako tabernariek asteazkenera arte dute izena emateko: 943 33 70 28 telefonoan (Biterin)/  turismoa@hernani.eus.