Gimnasia erritmikoa, Ignacio Ocio eta Miguel Ezpeleta saritu zituen Hernanik

Banatu dira aurtengo Kirol Sariak. Asteazkenean egin zen ekitaldia, kiroldegian. Aur­re­neko aldiz, herritarren boto gehien jaso zutenek jaso zituzten sariak.

Emakumezkoetan, gimnasia erritmikoko taldea
Bi hautagai zeuden Emaku­mez­ko Kirolariari Saria jaso­tze­ko: Amaia Irazustabarrena palista eta kadete mailako gimnasia erritmikoko taldea. Azken hauek jaso zuten, azkenean, saria. Hain zuzen, June Elizal­de, Ana Lujambio, Maddi Goi­koetxea, Leyre Pas­cual eta Ane Descargak.

Kirol ibilbideagatik, bi saritu
Kirol Ibilbideagatik Saria jasotzeko, berriz, hiru ziren hautagaiak: Miguel Ezpeleta pelotari ohia, eta pelota esko­laren sortzaile­etako bat; Roge Miguez, sas­ki­baloi saila berriz mar­txan jarri zutenetako bat, eta orain arteko arduraduna; eta Ignacio Ocio, eskubaloi jokalari ohia, eta Hernanin eskubaloia be­rres­kuratzen lagundu duena.
Kasu honetan, bi sari ba­natu ziren; Ocio eta Ezpeletak jaso zuten errekonozimendua, urte luzetan pelotaren eta eskubaloiaren alde egindako lan guztiagatik.

Desafioa eta giro ona nagusi
Sariak banatzeaz gain, desafio polit bati ere egin behar izan zioten aurre pelotari, futbo­lis­ta, arraunlari eta palistek. Hain­bat proba egin zituzten, be­ren trebezia eta abileziak era­kusteko: eskubaloirako ba­loia porteriara bota, lo­ko­txen modura erabili, globo ka­rre­ra... Lagunartea eta giro ona izan ziren nagusi, joka­la­ri­en eta publikoaren artean.