Motxian Eby esketx lehiaketa izan da Buruntzaldean eta Oarsoaldean, bertako Udaletako euskera sailek antolatuta, eta astigartarrek bi sari lortu dituzte, Euskal euria izeneko lanarekin: Astigarragako partehartzaile onenarena (50 eurokoa) eta Kalitate saria (200 eurokoa). Maria Aranzadi, Urko Arrieta, Nahia Fernandez, Aiora Nicolas eta Axular Uriarte dira egileak
50 euroko beste bi sariak honakoek lortu dituzte: Usurbilgo Plastifikatuak lanak; eta Lasarteko KMK 2015 lanak. Interneteko saria, berriz, 300 eurokoa, Usurbilgo Udazkena lanak jaso du.
Buruntzaldeko sariak, abenduaren 17an banatu zituzten Astigarragako kultur etxean. Bertan, Lasarte-Oria, Usurbil eta Astigarragako zinegotziak izan ziren.
Sei lan
Buruntzaldeako sei herrietatik, hiruk hartu dute parte: Astigarragak, Lasarte-Oriak eta Usurbilek. Denera, 6 taldek hartu dute parte, 6 bideorekin. Oarsoaldean ere egin da lehiaketa eta han 15 partehartzaile izan dira.
Bideo guztiak ikusgai daude helbide honetan bertan: www.motxianeby.eus.