Bi finaletan izango dira, gaur arratsaldean, palista hernaniarrak. Batetik, Gipuzkoako Txapelketaren bigarren mailako finala jokatuko dute Endika Ramosek eta Aiheko Zubimendik; Azpeitian izango da, 16:00etan. Eta bestetik, Emakumea Pilotari txapelketan, lehenengo mailako finala jokatuko dute bi hernaniarrek, elkarren kontra: Amaia Irazustabarrenak Eizmendirekin, eta Amaia Araiztegik Maizarekin. Donostiako Atano III frontoian daukate zita, 17:00etan.