«Kontrolik gabeko gastuarekin kontuz ibili beharra dago Gabonen buelta honetan»

Gabon giroan sartu garenez, Jokalari Anonimoek eta On­gin­tzak herritarrak ohartarazi nahi izan dituzte: «Kontrolik gabeko gastuarekin kontuz ibili beharra dago Gabonen buelta honetan», gogorarazi du Her­naniko Jokalari Anoni­moe­tako koordinatzaileak.

Hernaniko taldean, laguntza
1990eko urtarrilean sortu zen Hernaniko Jokalari Anoni­mo­en taldea. «Asteartero, 19:00e­tan, taldeko terapiak egiten ditugu, eta hileko aurreneko as­te­artetan, familiarrekin egi­ten dugu terapia, ikas dezaten ludopatia daukan norbaitekin bizitzen, bera ulertzen, sor­tu­tako gastuei aurre egiten... Bes­talde, ostegun eta osti­ra­le­tan informazioa ematen dugu. Bai­ta telefonoz edo internet bidez ere: 943 33 11 03 edo juga­do­res­ano­nimosher­nani@g­mail.com».
Bileretara joaten direnen per­­fila asko aldatu dela dio koordinatzaileak. «Makina txan­­ponjaleetara, traga­perre­ta­ra engantxatutakoak gutxia­go dira, baina gero eta gazte gehiago ari dira en­gantxatzen in­terneteko ka­sinoetara eta ki­rol apus­tu­e­ta­ra».

«Ingurukoek duten alternatiba bakarra da»
Xabier Lertxundi, Ongintzako lehendakariak ere, taldearen garrantzia azpimarratu nahi izan du. «EAEn dagoen ba­ka­rra da, eta Ongintzatik indarra eman nahi diogu; ingurukoek duten alternatiba bakarra da».
Horregatik, «kolaboratu» egi­ten dutela azaldu du. «On­gin­tzako lokala eta terapiak egi­teko psikologoa jartzen di­tu­gu. Izan ere, gero eta ga­rran­tzia haundiagoa hartzen ari den errekurtsoa da».

Ateak zabalik
Sandiusterrin, eraikinaren ez­ke­rraldean, Larramendi ka­le­ra jaisteko eskaileren ondoan da­go lokala. Anonimatoari ga­rrantzia ematen diotenez, ber­tatik sartu behar da.