Podemosek lortu ditu boto gehien, Astigarragan

Espainiako Kongresu eta Se­naturako Hauteskundeak izan ziren igandean eta  Astigarra­gan, Kongresurako boto gehien jaso zituen alderdia, Podemos-Ahal dugu izan zen: 825 boto. Atze­tik, gertu, EH Bildu izan zen bigarren alderdi bozkatuena, 742 botorekin. Hirugarren alderdia EAJ-PNV izan zen, 658 bo­te­rekin. PSE-EE (PSOE) alderdiak 243 boto lortu zituen, PPk 144, Ciudadanosek 103, IUk 66, PACMAk 23, UPyDk 9, Recortes Cerok 3 eta Liber­tate Nafarrak 1. 
Parte­har­tzea haundiagoa izan zen igandean, 2011ko hauteskundeetan baino. 2.846 astigartarrek bozkatu zuten igandean, orain dela lau urte baino %4,06k gehiagok. Abs­ten­tzioa, berriz, %32,99­koa izan zen, 1.401 herritarrek ez zuten bozkatu.
2011ko hauteskundeekin konparatuta, Amaiur izan zen orduan alderdi boz­ka­tuena, 1.089 botorekin. EAJ-PNV al­der­diak, berriz, 486 boto jaso zituen, PSE-EE (PSOE) alder­diak 287, PPk 207, IUk 81, PACMAk 7 eta UPyDk 28. 

Gipuzkoan eta Hego Euskal Herrian ere, Podemos nagusi
Podemos izan da Diputatu gehien lortu dituen alderdia Gipuzkoan; bi diputatu lortu ditu Kongresurako. Boto gutxiagorekin, Diputatu berak lortu ditu EAJ-PNVk; EH Bilduk eta PSE-EE (PSOE) alderdiek Diputatu bana lortu dute.
Hego Euskal Herriko da­tuei erreparatuz gero, Pode­mos izan da nagusi, baita ere;  7 diputatu izango ditu. EAJ-PNVk 6 diputatu lortu ditu; UPN-PP eta PSE-EEk (PSOE) 4na diputatu; eta EH Bilduk 2.

PP gehiengo osotik urruti
PPk irabazi zituen hau­tes­kundeak igandean, 123 dipu­tatu­re­kin, baina gehiengo osotik oso urruti geratu da. PSOE izan zen bigarren alderdi bozkatuena, 90 dipu­ta­turekin. Hi­ru­garren postuan geratu zen Po­de­mos, 69 dipu­taturekin; eta lau­ga­rren izan zen Ciudada­nos 40­re­kin. Gainerako dipu­tatuak: ERCk 9, DLk 8, EAJ-PNVk 6, IUk 2, EH Bilduk 2 eta CCa-PNCk 1.