«Oso gustora nago egindakoarekin; pozik nere saioare-kin eta hirugarren postuarekin, baina pena geratu zait, kartzelakoan galdu ditudalako buruz burukorako aukerak. Arriskatu egin dut, baina ez dut asmatu, eta hirugarren bertsoan ihes egin dit. Beti izan da nere puntu ahula», adierazi zion Kronikari Agin Laburuk, finalaren ostean.
Bertsolari astigartarrak saio ederra egin zuen eta aurretik joan zen, kartzelako ariketaraino. Kartzelakoan, ez zuen asmatu azken bertsoarekin. Olentzeroren paperean aritu zen, honako gaiari erantzunez: Kalean pasatzen ikusi duzu eskuetan opari bat daramala; irribarrez doa.
Zortziko haundian, Zortziko txikian eta hamarreko txikian nagusi izan zen. Bertsoak entzungai: bertsoa.eus.
Beñat Gaztelumendi, txapeldun
Beñat Gaztelumendi da Gipuzkoako txapeldun berria. Inaxi Etxaberen eskutik jantzi zuen ondo merezitako txapela. Alaia Martinekin jokatu zuen buruz burukoa; Gaztelumendik 637,5 punturekin lortu zuen pasea eta Martinek 623 punturekin. Laburuk 614,5 puntu lortu zituen.
Gaztelumendik kartzelakoetan jo zuen gorena; eta batez ere, aurrenekoan; maila altua erakutsi zuen final osoan. Martinek final orekatua egin zuen eta aurreneko kartzelakoan borobildu zuen ordurarteko lana.
PUNTUAZIOA
B. Gaztelumendi 1012
A. Martin 993
A. Laburu 614,5
I. Apalategi 603,5
U. Agirre 595,5
O. Iguaran 594
J. Maia 586
A. Oiartzabal Xamoa 571,5