Garaipenik gabe bai, baina ez zen esku hutsik bueltatu Hernani, atzo, Gernikatik. Azken ordu erdian bikain aritu, eta defentsako bonusa eskuratu zuten trikoloreek, partidua bukatzear zela Igor Genuak zigor kolpea lortuta (27-21).
Berdinduta hasi zen partidua, gernikarren bi entseguei ondo erantzun baitzioten Iñaki Leonetek, beste entsegu batekin, eta Genuak, zigor kolpe batekin (12-10).
Atsedenaldirako, Gernikak ihes
Hortik aurrera okertu ziren gauzak hernaniarrentzat, eta ihes egin zuen Gernikak, atsedenaldira iristerako (22-10). Beste entsegu batekin, zailago jarri ziren gauzak, atsedenetik bueltan (27-10).
Baina etsi beharrean, bukaera bikaina egin zuen Hernanik: entsegua lortu zuen Pernasek, eta bi zigor kolpe Genuak, zazpi puntuko langa gainditu eta bonusa ekartzeko.