Santo Tomas ospakizunak eta txistu kontzertua, gaur

Santo Tomas egunari aurre hartu, eta gaur ere, txistorra jateko aukera izango da herriko zenbait auzoetan. Ziku­ñagako auzotarrak izango dira goiztiarrenak; 11:00etatik aurrera antolatu dute txistor jatea. Portuko auzo elkarteak  eguerdiko 12:00­etan jarri du hitzordua, Iba­rrolaburu Plazan.  Sorgin­txu­lo­ko bizilagunek ere, eguerdi par­te­an ospatuko dute Santo To­mas; gainera, saski eta kaja bat ardo ere, zozketatuko dituzte. Eta Gibelaldeko bizilagunek ere, postua jarriko dute Larramendi kalean; eguerdiko 12:00etatik 14:00etara izango da; eta 13:00etan gainera, saski zozketa egingo dute, bazkideen artean. 

Eguberritako txistu kontzertua, gaur
Eguberrien bueltan, txistulari­ek ere ospakizunerako aukera ja­rri dute gaur. Kontzertua eman­go dute eguerdiko 13:00­etatik aurrera, Milagrosan. Txistulari Ban­dak eskainiko du kontzertua, Patxi Ape­ze­txea zuzendariak gidatuta. Kontzertu berezia izango da gainera, gaurkoan piano-jole bat ere izango baitute lagun. Zortzi abesti eskainiko dituzte: Da­mua garaiz, Rondeau, Atze­rriko Eguberria, Otzoal, Egu­berriko kantak, Jagds­tück/­Me­nuett, Ai, hau gabaren eta Egu­berriko hiru kanta.