Udalak hiru “garbigune txiki” berri jarri ditu. Garbigune txiki horietan, CDak, DVDak, inpresoretako kartutxoak, eskuko telefonoak, bateriak, pilak eta bonbilak utzi daitezke.
Portun, Zikuñagan eta Ereñotzun
Garbigune horiek, hiru auzotan jarri dituzte: Portu auzoko plazan, Zikuñaga auzoan eta Ereñotzun. Horiekin, guztira, mota horretako zazpi bilgune daude udalerrian.
Udalaren helburua da, «herritarrek gaikako bilketa ahalik eta modu errazenean egin ahal izatea Garbigune txiki horiekin». Udaleko Ingurumen Departamentuak herritarrak animatu nahi ditu biltoki horiek erabili ditzaten, «ingurumena zaintzea denon ardura baita».