Egun osoko festa, gaztetxearen urteurrena ospatzeko

Hernaniko Kontrakantxa gaz­tetxeak 9 urte betetzen ditu aurten eta urteurrena ospa­tzeko festa antolatu du Sutu Hernanik. Egun osoko festa izango da. 
Altxorraren bila jolasarekin berotuko dituzte motorrak. Tilo­se­tatik abiatuko dira 11:30etan. Ondoren, bazkaria izango dute zain. Eta ez dute nolanahiko menua prestatu: fideua, oilas­koa saltsan (begetarianoen­tzako hanburgesa eta perretxi­koak), txoko­late kopa, kafea eta kopa. Bazkariarekin batera, kamixe­ta eder bat ere banatuko dute. (Bazkariko txartelak aurrez erosi behar ziren).

Arratsaldetik aurrera, musika protagonista
Bazkal ondoren, kalejira musikatua antolatu dute eta gauean ere, musika izango da protagonista. Gaueko 22:00eta­tik aurrera, kontzertuak izan­go dira gaztetxean eta DJa goizaldera arte.
Herritar guztiak gonbidatuta
Sutu Hernanitik herritar guz­tiei luzatzen diete gonbi­da­pena, parte hartzeko: «Kon­tra­kantxa Gaztetxea denona de­nez, gonbita egin nahi diegu herritar guztiei guretzako berezia den urteurren hone­tara etortzeko. Guretzat poz haundia litzateke gaztetxea beteta ikustea, zuek ere parte sentitzen zaretela eta proiektu honetan sinesten duzuela ikustea litzatekeelako».