Datorren igandean bailarako 20.200 herritar inguru daude deituta, botoa ematera

Datozen igandean, abendu­a­ren 20an, hauteskunde oro­ko­rrak deitu ditu Espainiako Go­ber­nuak. Urumea bailarako he­rritarrek Espainiako Kon­gre­su eta Senaturako hau­ta­gai­ak aukeratu beharko di­tuz­te. Gipuzkoarrek, hau da, As­ti­ga­rraga, Hernani eta Ere­ño­tzuko herritarrek, 11 al­der­diren ar­tean izango dute botoa emateko aukera; Nafarroan bizi diren goizuetar eta ara­noarrek berriz, 12 al­derdiren artean aukeratu ahal izango dute.
Botoa ematera bailarako 20.200 herritar inguru daude deituta. Hauteskunde hauetan ere, eskolek goizeko 09:00etan zabalduko dituzte ateak, eta herritarrek iluntzeko 20:00ak arte izango dute botoa ema­teko aukera.

Gipuzkoarrek 11 alderdiren artean bozkatzeko aukera dute; nafarrek berriz, 12ren artean.

Senatu eta Kongresurako senatari eta diputatuak aukeratuko dira
Hauteskundeetan Espainiako Kongresu eta Senaturako hau­tagaiak aukeratuko dira; hau da, Espainiako Gorte Na­gu­sietako ordezkariak.
Kongresua 350 diputatuk osatzen dute, eta horietatik 6 gipuzkoarrek aukeratuko di­tuzt­e; eta 4 nafarrek.
Sena­tua berriz, 208 se­na­tarik osatzen dute; kasu honetan, bai Gi­puz­koan eta baita Nafarroan ere 4 or­dez­kari aukeratuko dira.  

Espainiako Kongresua 350 diputatuk osatzen dute; eta Senatua 208 senatarik.

Zer dira Gorte Nagusiak, Kongresua eta Senatua?
Espainiako Gorte Nagusiak Kon­gresuak eta Senatuak osatzen dituzte; hauek dute botere legegilea; Gobernuak aldiz, botere betearazlea izango du; eta azkenik, epaileek, botere judiziala.

Diputatuen Kongresua da gobernua eratzea ahalbidetzen duena.

Aipatu bezala, Diputatuen Kongresua da Gorte Nag­u­sie­tako kameretako bat. Kon­gresua da, Gobernua eratzea ahalbidetzen duena; eta Kongresua da aurrenekoa,   hartuko diren erabaki guztiak ezagutzen, hala nola, proiektu legegileak edo esta­tuaren aurrekontu orokorrak; baita ere, kongresuak onartu edo baztertuko ditu sena­tua­ren zuzenketa edo betoak.
Senatuari dagozkion betebeharren artean daude: legeen onarpenean parte hart­zea, Na­zioarteko Tra­ta­tuak aurrera eramateko era­bakietan parte hartzea, Es­tatuko Au­rrekontu Oro­korrak onartzea, Gobernuari kontrol politikoa egitea, eta interes orokorreko kasuetan infor­mazioa ema­tea, eta estudio eta ikerketak egitea.

Marian Beitialarrangoitia da EH Bilduko zerrendaburua, Gipuzkoan

Hernaniko alkate izan zen Beitialarrangoitia 2007-2011n.

Jaiotzez legazpiarra bada ere, azken hamarkadetan Her­nanin bizi da Marian Bei­tialarrangoitia, EH Bilduk Gi­puzkoan duen zerrendaburua. Egin irratiko eta Eus­ka­di Irratiko esatari izandakoa da besteak beste, Beitialarrangoitia. Poli­ti­kari gisa ANV alderdiarekin hasi zuen ibilbidea; Hernaniko alkate izan zen 2007-2011 legegintzaldian. Gipuzkoako Foru Aldundiko Komunikazio Zuzendaria izan zen ondoren. Eta azken hiru urteak Gasteizko Legebiltzarrean eman ditu.

Aurkeztu diren alderdiak:
 

GIPUZKOA
1. Ciudadanos   
2. EAJ-PNV
3. EH BILDU
4. IU-UPeC
5. Ln
6. PACMA
7. Podemos-Ahal dugu
8. PP
9. PSOE
10. Recortes Cero-Grupo verde
11. UPyD

NAFARROA
1. Ciudadanos   
2. EH BILDU
3. GBai
4. IU-B-UPeC
5. Ln
6. PACMA
7. PSOE    
8. PODEMOS
9. Recortes cero-Grupo verde
10. SAIn
11. UPN-PP
12. UPyD