Haur eta helduek kirolarekin gozatzeko aukera izango dute ostiral eta larunbatean. Izenemateak irekita daude kiroldegiko harreran.
Jump Fit eta Ciclo Indoor, ostiralean
Hasteko, ostiral arratsaldean, 17:00etatik 17:30etara Jump Fit probatzeko aukera izango dute haurrek; ohe elastiko batzuen gainean saltoka egiten da kirol hau. Ondoren, helduen bi txanda izango dira: 17:30etatik 18:15etara eta 18:30etatik 19:15etara.
Segidan, helduek beste kirol bat praktikatu ahal izango dute: Ziklo (txirrindularitza), 19:15etatik 20:45etara.
Euskal Zunba, Hiit eta Group Pole, larunbatean
Hurrengo egunean ere izerdia botatzeko aukerarik ez da faltako. Arratsaldeko 17:00etatik 17:45etara euskal zunba egin ahal izango dute haur eta gazteek, eta 18:00etatik 19:00etara, berriz, Hiit eta Group Pole, erresistentzia haunditzeko kirolen txanda iritsiko zaie helduei.