Iñigo Legorburu hernaniarrak irabazi du V. Oihenart Aforismo Lehiaketa, EHUko filosofia fakultateak eta Donostiako Udalak antolatua. Diploma eta 600 euroko saria jaso ditu Legorburuk, Itsasoa den basamortu urdinean lanarekin, 93 aforismoz osatua. Epaileek nabarmendu zuten, hernaniarraren «hitzen indarra eta ironia fina, hizkuntzaren aberastasuna eta elipsia erabiltzen erakutsitako maisutasuna».