Aplikazio berria sortu du Hizkuntz-Eskubideen Behatokiak, mugikorretarako. Horrela, dagoeneko webgune bidez egin zitekeena, «modu eroso eta azkarragoan» egiteko aukera eman nahi du; alegia, hizkuntza eskubideen inguruko kexak eta zoriontzeak Behatokiari helaraztea.
Hortaz, nahikoa izango da aplikazioa mugikorrean instalatzea, eta zure kontuarekin sartzea edo erregistratzea, hizkuntza eskubideen urraketak salatzeko, edo arlo horretan ondo egiten diren gauzak nabarmentzeko.
Jasotako kexa eta zoriontze guztiak, bertan ikusgai
Gainera, aplikazioan bertan ikusi ahal izango ditu erabiltzaileak, Behatokiak jaso dituen kexa eta zoriontze guztiak, eta baita jaso diren azkeneko horiek ere. Eta sare sozialetan hedatzeko aukera eskaintzen du aplikazioak berak.
Android eta IOS sistemak dituzten mugikorrentzat da, eta aplikazioari buruzko informazio guztia, web orrian dago: www.akuilari.eus.