Erremate bikaina, herritarren lan haundiari

Aste osoko lana borobildu zu­en atzo Hernanik, Ordiziaren kontrako derbian. Landaren jokatu zen partidua azkenean, txukuntze lanetan herritar askok egindako ahaleginari esker, eta Landaren geratu zen garaipena ere (22-20). Erremate bikaina jarri zioten trikoloreek, modu horretan, herritarren lan haun­diari.
Uholdeen arrastoa nabaria zen oraindik, hala ere, eta oso eroa izan zen partidua, kontro­lik gabea. Akats asko tarteko, etengabe aldatu zen baloiaren jabetza, eraso laburrekin.

Kolpeak aprobetxatuta, markagailuan aurretik
Eromen hori eta ordiziarren kolpeak aprobetxatu zituen Hernanik, markagailuan au­rre­­tik jartzeko. Horrela, 8-0 aurreratu zen, Larre­txea­ren zigor kolpe bati eta Puer­ta­sen entseguari esker.
Baina larritasunak ere izan zituzten trikoloreek, lerroa mantentzeko garaian, eta bi entsegu egin zituen Ordiziak, lerroa hautsita eta korrikaldi luzeak gauzatuta (11-12).
Baina atsedenaldirako, be­rriro jarri ziren aurretik, ban­dako sake bat aprobetxatuta. Colladok utzi zuen baloia marraren bestaldean (16-12).
Ez zen askorik aldatu par­tidua, bigarren zatian, baina nabarmen hobetu zuten de­fen­tsan hernaniarrek. Bikain eu­tsi zituzten ordiziarren ahale­gi­nak, minutu gutxiren faltan, ostiko bati esker entse­gua egin zuten arte (22-20). Konbertsioak aurretik jarriko zuen Ordizia, baina huts egin zuen Rustek, eta baita segidan izan zuen zigor kolpea ere, gutxi­gatik. Partidua ia bukatuta, bes­te bost minu­tu luzatuko zen estu­a­suna, bai­na Landaren ge­ra­tu zen garaipena azkenean.