Helburu berarekin igoko dira hamabi bikote, Plaza Berriko taula gainera: txapela eta zapi preziatua janztea. 21garrenez jokatuko da gaur, eguerdiko 12:00etatik aurrera, Gazteen Dantza Txapelketa, Kriskitiña taldeak antolatua.
Gipuzkoako dantzari gazte onenak egongo dira bertan, Azkoitia, Azpeitia, Errezil, Lezo eta Oiartzundik etorriak. Eta hernaniar bat ere izango da tartean, Unai Balerdi, Katerin Artola oiartzuarra bikote duela.
Fandango eta arin-arin bana
Bikote guztiek dantzatu beharko dute fandango eta arin-arin bana, Beñat Luluaga eta Aitzol Txapartegiren trikitixa doinuek lagunduta.
Parte hartzaile guztiek jasoko dute sari bana.