Euskerari bereziki eskainitako asteari agur esango dio gaur Hernanik, baina ez nolanahi. Euskara Ari Du egitarauaren barruan, ikuskizunak izango dira goizean, eta dokumentala jarriko dute Biterin arratsaldean.
Ikasleak izango dira protagonista, egunaren aurreneko partean. Goizeko 10:00etatik eguerdiko 12:00etara, dantza emanaldiak, kirol saioak, tailerrak... antolatuko dituzte Kaxkoan, eta ikuskizun berezi batekin bukatuko dute Plazan.
‘Burbunak eta etsayak’, arratsaldean Biterin
Arratsaldean, berriz, Burbunak eta etsayak dokumentala jarriko dute Biterin, 19:00etan. Doberak eta Aranzadik egin dute, Urumeako natura eta ahozko ondarea ikertuz.
Bukatzean, asteari amaiera emateko ekitaldia izango da.