Euskera ikastea garestia dela diote batzuek, baina Udalek ematen dituzten diru laguntzak kontuan izan behar dira.
Hernaniko Udalak laguntza desberdinak ematen ditu, bakoitzaren egoeraren arabera. Langabetu eta ikasleen kasuan, %90ekoa da diru laguntza eta ohiko kurtsoetan, %70ekoa. Kopuru haundiagoko laguntzak ere badaude. Diru laguntzak jasotzeko, ezinbesteko baldintza da Hernanin erroldatuta egotea, eta klaseetara joatea. Asistentzia %85ekoa izan beharko da gutxienez. Gainera, lehen, diru laguntzak ikasturtea bukatzean jasotzen ziren, baina orain bi zatitan egiten da. Urtarrilean jasoko dute lehenengo erdia eta bukaeran gainerakoa. Diru laguntza hauek, herriko euskaltegietan nahiz kanpokoetan ikasten dutenentzat dira.
Astigarragan ere diru laguntzak ematen ditu Udalak, AEKn ikasteagatik. %50, %75 edo %100ekoak izan daitezke laguntza horiek. Kasu honetan, ikastaroa bukatzean (ekaina bukaera aldera), epea zabaltzen da eskaera egiteko. Astigarragan erroldatuta egon behar da.
Informazio gehiago, bi udaletxeetan.