Zenbat hizkuntza hitz egiten dira Urumean?

Kronikak ez du lortu datu zehatzik Urumea bailaran, eus­keraz aparte, zenbat hiz­kuntza hitz egiten diren eta ze jato­rritako jendea bizi den azal­tzeko. Baina handik eta he­men­dik, datu batzuk bildu ditu.
Hernanin, esaterako, AMHER elkarte multikultu­ra­lak 30 bat hizkuntza hauek badirela azal­du du: alema­niera, arabiera, erro­min­txela, errumaniera, erru­­siera, malenkea (Ginea), frantsesa, galegoa, gaztele­ra, holandesa, ingelesa, irlandesa, ita­lia­noa, kaxmir, katalana, ketxua,  kurduera, bam­bara (Mali), Man­kagnea (Sene­gal), Mon­go­liera, Edoen hizkun­tza (Nigeria), poloniera, portu­ge­sa, tayikoa, txinera, ukra­niera, uzbekoa, wolofa (Senegal), ewe, hausa, fante...
Astigarragan, berriz, jatorri aniztasunaren inguruko azter­­­keta egina dauka Udalak (web orrian ikusgai dauka). Azter­keta horren arabera, honako herrialdetako herrita­rrak bizi dira herrian, besteak beste: Alema­nia, Bulgaria, Erresuma Batua, Errumania, Espainiar estatua, Frantziar estatua, Ita­lia, Portugal, Polo­nia, Errusia, Ukrania, AEB, Honduras, Mexi­ko, Nikaragua, Dominikar Erre­publika, Kuba, Argentina, Boli­via, Brasil, Ekua­dor, Kolonbia, Paraguay, Peru, Txile, Uruguay, Vene­zue­la, Ipar Afrika, Sahara Hegoal­dea, Mongolia, Txina, Pakis­tan...
Goizuetan ere badira galegoak, estatubatuarrak, ukraniarrak, afrikarrak eta ertamerikarrak (Nikaragua, Honduras, Guatemala)...
Eta Aranon, hego ameri­karrak, frantsesak, katalanak, kanariarrak, murtziarrak...