Euskeraren Eguna da gaur, eta Astigarragan, gaurtik aurrera, dozenaka ekintza izango dira, ospatzeko. Gaurkoa izango da egun nagusia, eta goiz eta arratsalde, euskera izango da protagonista.
Ikastolan, euskeraren festa
Goizean, ikastolan izango da festa: ikasleek, bikote lagunekin batera kantatuko dituzte aurrez ikasi dituzten abestiak. Eta arratsaldean, 15:00etatik aurrera ere, izango da festarako aukera. Aterpeko zapaiatik sare bat zintzilikatuko dute, eta ume bakoitzak, gustukoen duen euskerazko hitza lotuko du sarera. Ondoren, Antton Kazabonen olerki bat irakurriko dute. Eta eguneko ekitaldi nagusietako bat Eredu izan abestiaren aurkezpena izango da. Letra ikastolako seigarren mailako ikasleek egin dute, Unai Muñoaren laguntzarekin; eta doinua Eider Arcok, Nahia Azparrenek eta Iñake Zubiarrainek jarri dute. Haur eta gurasoentzat zunba saio irekia ere, antolatu dute; eta herri eskolako jolastokian, txokolate jatea egingo dute.
Kiroldegian, ikuskizuna
Kiroldegian ere izango da zer ikusi: Euskara zure eskura emanaldia eskainiko dute, 15:00etatik aurrera. Joseba Barandiaran plazan, berriz, Euskararen zaporea standa jarriko dute 17:00etan, eta tabernetan, euskal musika eta pintxoak eskainiko dituzte.
GAUR, osteguna
Goizean Ikastolan, bikoteekin kantatzea.
15:00 Kiroldegian, ‘Euskara zure eskura’ ikuskizuna.
15:00etatik aurrera Ikastolako atarian: sare batean euskerazko hitza zintzilikatzea, olerkia irakurtzea, ‘Eredu izan’ abestia, zumba, txokolate jatea...
17:00 Joseba Barandiaran Plazan, ‘Euskararen zaporea’ standa...
Egun osoan Herriko tabernetan euskal musika eta pintxoak.
BIHAR, ostirala
18:00 ‘Errimatuz garenera arrimatuz’ Gaztelekuan.
Abenduak 5
18:30 Gaztelekuan ‘Erdaldun berrien kluba’ bakarrizketa.
18:30 Norberto Almandoz Musika Eskolan zinema mutua euskarazko azpitituluekin. Peter Pan (1924).
Abenduak 13
20:00 Kultur Etxean Potologuak Antzerkia.
Abenduak 27
Euskaraz bizi nahi dut lasterketa.