Irakurraldiekin daukate zita hernaniarrek gaur, Euskeraren Egunean. Aurreko urtean bezala, herriko zenbait txokotatik egingo dute erronda, euskerazko testu laburrak irakurtzeko.
Eta oraingo honetan, lau taberna aukeratu dituzte, irakurraldiak egiteko. Arratsaldeko 18:30etan hasiko dute erronda, eta Zumitza, Deportibo, Garin eta Caserion izango dira.
Testu laburrak, musikarekin
Herritarrak izango dira irakurle, eta euskerazko testu laburrak irakurriko dituzte. Gainera, zuzeneko musikaz lagunduta egongo dira, herriko musikarien eskutik.
Ikasleen ikuskizunak, bihar
Bihar ere izango dira ekintzak, Euskara Ari Du egitarauaren barruan. Goizean, Kaxkoko kaleak bustiko dira euskeraren zaparradarekin, ikuskizunak antolatu baitituzte ikasleek. 10:00etatik aurrera, dantza emanaldiak, kirol saioak, tailerrak... eskainiko dituzte, eta Plazan emango diote bukaera, eguerdiko 12:00etan.
‘Burbunak eta etsayak’ dokumentala, Biterin
Arratsaldean, Biterin jarri du zita Euskara Ari Du egitarauak. Burbunak eta etsayak dokumentala jarriko dute 19:00etan. Dobera eta Aranzadi elkarteek egin dute, eta bertan jasotzen da, Urumeako natura eta ahozko ondarea biltzeko egindako lana.
Dokumentalaren ondoren, Hernaniko euskeraren asteari bukaera emango diote, Biterin bertan, ekitaldi batekin.
EUSKARA ARI DU
GAUR, osteguna
18:30etatik aurrera, Irakurraldiak, herriko lau tabernetan: Zumitza, Deportibo, Garin eta Caserion. Herritarrek, era askotako testu laburrak irakurriko dituzte, herriko musikarien laguntzarekin.
BIHAR, ostirala
10:00etatik 12:00etara, ikasleek antolatutako ikuskizunak Kaxkoan (tailerrak, dantza, kirol saioak...). Plazan emango diote amaiera.
19:00etan, Burbunak eta etsayak. Urumeako natura eta ahozko ondareari tiraka dokumentala, Dobera eta Aranzadi elkarteek prestatua; eta asteari amaiera emateko ekitaldia, Biteri kultur etxean.