«Herrian DBH eraikina lortzea proiektu estrategikoa da»

Astigarragako Udal Go­ber­nu taldeak Kronikara bi­da­li­tako prentsa oharrean ja­ki­narazi duenez, DBHko ikas­tetxea izateko pausuak ema­ten hasi da: «txosten juridi­koa eskatu dugu, DBHko ikas­tetxea izatea baitugu hel­buru. Bertan, eraikina egi­teko au­rrei­kusten den lur erre­ser­baren egoera zein den ar­gi­tuko da. Baita ere, zehaztuko dira Udalak lur eremua Eusko Jaurlari­tza­ren esku jartzeko eman beharreko pausuak».

«Astigarraga ez dago hezkuntza eskaintza zabalduko zaien
herrien artean»
Oharrean azaldu dute, 2014a arte, Haur Hezkuntzako hiru ur­teak eta Lehen Hez­kun­tza­ko sei urteak eman izan di­rela Astigarragan: «DBH egi­teko, Astigarragako ikas­leek herritik atera behar dute. Gehienek Martuteneko Aran­­­tzazuko Ama au­ke­ratzen du­te. Gainera, ikas­tetxe ho­ne­tako ikasle ge­hienak as­ti­gartarrak dira».
Gobernu Taldeak azaldu duenez, Astigarraga ez dago hezkuntza eskaintza zabal­du­ko zaien herrien artean: «bi kilometroren bueltan, DBH eskaintzen duten hiru ikas­te­txe daude. Jaurlaritzak aur­ten esleitu du Hernaniko insti­tutua haunditzeko obra, 5,7 milioiko inbertsioa egin ­da». Astigarragako Herri Es­ko­la ikastetxe publikoa dela dio Gobernu Taldeak, beraz, Eusko Jaurlaritzari dago­kiola bere beharrak zeintzuk diren era­bakitzea: «hala ere, aur­ten­go ekainaren 16an Di­puta­tu Kon­tseiluak Astiga­rragako Plan Orokorraren aldaketa onartu zuen, eta al­daketa ho­rrek DBH eraiki­naren ko­ka­pena bide­ra­garri egingo du».

«Konpromisoa hartu dugu beharrezkoak diren
gestioak egiteko»
Gobernu Taldeak azaldu due­­nez, herrian DBH lortzea proi­ektu estrategikoa da: «kon­pro­misoa eta ardura hartuko dugu Astigarragako hezkuntza eskaintza kalita­tezkoa dela bermatzeko, be­har beha­rrez­ko­ak diren ges­tio guztiak egiteko. Txostena jaso eta az­tertu ondoren, Go­bernu Tal­detik hurrengo pausuen berri emango diegu eragile guztiei, batez ere, Guraso Elkarteari; eta Hezkun­tza Batzordea ere izango da informazioa ema­teko era­biliko den gunea».

«Txostenaren helburua da EH Bilduk esandakoa argitzea»
Prentsa oharrean azaldu du­tenez, txostenaren hel­burua da Andoni Gartziak, EH Bil­du­ko bozeramaileak azaroa­ren 21ean Plenoan esan zuena argitzea: «Gar­tziaren hitze­tan, eraikina kokatuko litza­tekeen lurra Udalak debalde esku­ratuko omen­ du. Udale­txean ez dago in­formazio hau baiez­tatuko duen dokumenturik; beraz, txostenak azalduko du lurren benetako egoera zein den».