Ostegunetik asteartera irekiko da Durangoko euskal liburu eta disko Azoka. Bertan, Urumea bailarako hainbat produktuk protagonismoa hartuko dute, abenduaren 7an. Batetik, 13:00ean, Doberak eta Aranzadik bultzatutako Burbunak eta Etsayak dokumentala ikusi ahal izango da Irudienean, eta azokan bertan salgai izango da. Bestetik, Irudienean bertan, 12:00etan, Loreak filmeko zuzendariak elkarrizketatuko dituzte; Jon Garaño astigartarra eta Jose Mari Goenaga. Azkenik, gaueko 23:00etan Esna diskoa aurkeztuko du Esne Beltza taldeak, Plateruenean.
‘Burbunak eta Etsayak’ Hernanin, aurrena
Hernaniarrek lehenago ikusi ahal izango dute Burbunak eta Etsayak, ostiralean, 19:00etan Biterin. Ordutik salgai izango da.